Dores Torrado repite á fronte da candidatura de Boiro Novo, unha fronte cidadá que se caracteriza pola súa pluralidade e polo espírito renovador das e dos seus integrantes. Queren dar representatividade total a todas as parroquias, impulsar o emprendemento e a innovación e estar preto da veciñanza, dándolle voz, participación e tamén oportunidades sociais e laborais.
Torrado ten unha ampla experiencia na vida política local. Alén da súa traxectoria en Boiro Novo, foi voceira do grupo municipal do BNG e tenente de alcalde de Boiro durante a lexislatura dupla do dito partido, amais de concelleira de Facenda.
