Finais da década dos 70. Un xornalista dun importante diario da Coruña. Unha colaboración coa Brigada Político-Social, a policía do réxime franquista, que xorde do azar.
Bruno Lamas é o personaxe ficticio que protagoniza a nova obra de Juan Galán. Nun cento de páxinas relátase a historia dun antiheroe golpeado polo destino e decisións desacertadas.
O autor presentou a súa novela na tarde deste 26 de abril, no Auditorio do Museo Valle-Inclán da Pobra do Caramiñal, onde estivo arroupado pola concelleira da Cultura, Patricia Lojo.
Este non é o primeiro libro que publica Galán, quen xa conta con varios traballos na súa carreira literaria. Con relación aos mesmos, a edil puxo de manifesto que abordan o noso pasado recente unindo ficción e episodios históricos. “Nalgúns dos seus textos introduce o concepto da memoria histórica, polo que á súa faceta como escritor suma a de investigador nesta materia, tal e como sucede en Las tribulaciones de Bruno Lamas, no que conxuga a condición humana e a crónica social e política”, precisou Lojo.
A praia da Corna acolle o vindeiro 1 de xuño a III Palmeira Cup Futevolei
O concelleiro de Deportes de Ribeira, Xabier Vidal, presentou este 21 de maio xunto a Chento Dominguez a III Palmeira Cup Futevolei que se celebrará o vindeiro sábado 1 de xuño na praia da Corna en Palmeira. Segundo sinalaron, o evento está organizado polo Clube de...