Os empresarios de Ribeira entregaron os premios da Campaña de Nadal

30 Xaneiro 2024

O local social da Asociación de Empresarios de Ribeira, na rúa Rosalía de Castro, acolleu este martes 29 de xaneiro a entrega de premios da Campaña da Nadal desenvolvida durante as pasadas festividades pola patronal.

Á entrega asistiron o presidente da asociación, Francisco Martínez Gude, e máis a concelleira de Emprego e Promoción Económica, Genoveva Betanzos.

A gañadora da viaxe Manuela Mariño, mostrou o seu agradecemento polo agasallo, que, segundo dixo, vai ser desfrutado en familia. Así e todo, dixo, está aínda no aire o destino da viaxe e tamén as datas.

O sorteo realizouse o pasado 10 de xaneiro. A Campaña de Nadal organizada pola Asociación de Empresarios, Comerciantes e Traballadores Autónomos de Ribeira tivo o obxectivo de fomentar o comercio local, motivando as compras nos establecementos do termo municipal e premiando a fidelidade dos clientes, obsequiándoos con boletos que lles deron opción a gañar os premios do sorteo.

“Estes obsequios serviron de estímulo para incrementar as compras no noso concello”, explicou o presidente da patronal ribeirense, Francisco Martínez, destacando tamén a gran variedade de sectores que concorreron na campaña: moda, deportes, complementos, zapaterías, salóns de peiteado, decoración, seguros, talleres e venta de vehículos, ferreterías, restauración e hostalería…

A promoción celebrouse entre os días 1 de decembro de 2023 e o 6 de xaneiro de 2024, inclusive.

Os premios foron unha viaxe valorada en 2.500 euros e 5.000 euros en vales de compra repartidos en 51 premios da seguinte maneira:

1-Tres vales de compra por importe de 300 euros.

2-Seis vales de compra por importe de 250 euros

3-Dez vales de compra por importe de 100 euros

4-Trinta e dous vales de compra por importe de 50 euros.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.