Este 19 de decembro inaugurouse pola mañá, no Centro Cultural Lustres Rivas de Ribeira, a exposición do XVII Premio Internacional Jesús Núñez de Arte Gráfica. Trátase dunha mostra itinerante que recolle unha selección das obras presentadas ao certame da Deputación por autores de ata 20 países de todo o mundo, realizadas en moi diversas técnicas -gravado calcográfico, litografía, xilografía, serigrafía…
A obra gañadora nesta edición foi Ikatz/Harri II, de Myriam Gesalaga Eizagirre. Pola súa banda, Fátima Conesa, con El mar recordó, e Claudia Regueiro con S.T. (open letter), foron premiadas cun accésit, e Mariana Pino, con Composizione Polifonica, e Joan Polo, con S.T., foron recoñecidos con sendas mencións de honra.
