Continúan as festas do magosto na nosa comarca. Este sábado 11 de novembro, sen ir máis lonxe, a ANPA O Campo do CEIP de Santa Irene (Porto do Son) celebra unha festa de outono na praza de España de Porto do Son, ás 19.00 horas.
A cita trasladarase ao Club de Xubilados de Porto do Son en caso de choiva.
Será, en palabras da organización, “unha tardiña moi xeitosa”, cun plan inmellorábel de castañas asadas e foliada libre, con actividades creativas para a rapazada (por exemplo unha sesión de maquillaxe relacionada cos elementos propios desta época do ano).
