O Goberno municipal de Ribeira organiza accións de cara ao 25N

03 Novembro 2023

Un intre da xuntanza nunha imaxe de Alba Cambeiro (Concello de Ribeira)

As edís Antía Alberte, Veva Betanzos e Cruz Ruvadulla mantiveron unha reunión con distintas asociacións de Ribeira para organizar actos e coordinar accións de cara ao 25N no Concello (o 25 de novembro é o Día Internacional da Eliminación da Violencia contra as Mulleres). O propósito desta reunión foi o de discutir e coordinar esforzos conxuntos para organizar actos conmemorativos e de concienciación en relación á dita xornada.

O Concello de Ribeira recoñece a importancia de concienciar á sociedade sobre a violencia de xénero e traballar en conxunto con organizacións comprometidas nesta causa. En palabras das concelleiras, a colaboración entre a Administración local e as organizacións da sociedade civil “resulta fundamental para abordar este grave problema que afecta ás nosas comunidades”. Ao encontro, o segundo celebrado con este propósito, acudiron organizacións como Cruz Vermella, Malas Herbas, Mulleres en Acción da Barbanza e Mulleres en Loita de Palmeira.

Outros artigos

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.