O programa cultural FalaRedes da Secretaría Xeral de Política Lingüística vai levar a varios concellos da nosa comarca, este outono, o espectáculo teatral para a rapazada Os Bolechas visitan en familia unha galería de arte, protagonizado polos personaxes creados polo debuxante Pepe Carreiro.
A primeira das citas no Barbanza será este sábado 28 de outubro, ás 12.30 horas no Auditorio Municipal de Rianxo (Sala Arcos Moldes). Ao día seguinte, 29, recalará en Porto do Son, na Casa da Cultura.
No caso de Rianxo, a entrada achegarase de balde até completar capacidade (poden retirarse os pases dende unha hora antes do comezo da función, máximo de catro, priorizándose só un convite adulto acompañando á crianza).
No caso de Porto do Son o espectáculo tamén será gratuíto e está previsto que comece ás 17.00 horas do domingo.
Nesta nova función atoparemos aos Bolechas nun museo de arte onde se poden contemplar cadros do tempo dos seus avós, e dos seus bisavós, e dos seus tátara-tátara-tataravós… cadros por exemplo as obras de Castelao, Lugrís ou Picasso.
A xira
A divertida familia Bolechas chegará este outono a 21 concellos da Rede de Dinamización Lingüística, incluídos Rianxo (este sábado 28, no Auditorio Municipal, ás 12.30h), Porto do Son (este domingo 29 ás 17.00 na Casa da Cultura) e A Pobra (o 4 de novembro no Teatro Cine Elma, ás 17.00 horas).
Incluímos a axenda:
7 de outubro, ás 18:00 h Casa da Cultura do Milladoiro Ames A Coruña
21 de outubro, ás 18:00 h Casa Habanera Guitiriz Lugo
22 de outubro, ás 17:00 h Auditorio Municipal Celanova Ourense
28 de outubro, ás 12:30 h Auditorio Municipal Rianxo A Coruña
28 de outubro, ás 18:00 h Casa da Cultura Pontedeume A Coruña
29 de outubro, ás 17:00 h Casa da Cultura Porto do Son A Coruña
31 de outubro, ás 17:30 h Auditorio Municipal Hernán Naval Ribadeo Lugo
4 de novembro, ás 17:00 h Teatro Cine Elma A Pobra do Caramiñal A Coruña
5 de novembro, ás 18:00 h Centro Cultural O Salón Abegondo A Coruña
11 de novembro, ás 12:00 h Auditorio Municipal Nigrán Pontevedra
11 de novembro, ás 17:00 h CEIP San Martiño Vilariño de Conso Ourense
12 de novembro, ás 12:30 h Auditorio da Casa da Cultura A Cañiza Pontevedra
12 de novembro, ás 18:00 h Salón de Actos do Concello Carballedo Lugo
18 de novembro, ás 17:30 h Centro Social do Mar Bueu Pontevedra
19 de novembro, ás 12:00 h Casa da Cultura de Albarellos Monterrei Ourense
25 de novembro, ás 12:30 h Casa da Cultura Cospeito Lugo
25 de novembro, ás 18:00 h Auditorio da Casa da Cultura Ribadavia Ourense
26 de novembro, ás 17:00 h Centro Cultural Avenida A Rúa Ourense
2 de decembro, ás 18:00 h Centro Manuela Pérez Sequeiros Narón A Coruña
3 de decembro, ás 17:30 h Auditorio do Centro Cultural e Xuvenil Muros A Coruña
