O Concello de Porto do Son está a presentar esta semana nas redes os detalles e as actividades do programa formativo das Escolas Culturais Municipais para o curso 2023-2024, cuxas clases, segundo recordan fontes do Consistorio, arrincan a vindeira semana (a segunda semana de outubro).
As inscricións realizaranse de xeito individual para cada unha das clases. As persoas que estean interesadas en participar nestas sesións deberán comunicalo canto antes, posto que as diferentes actividades teñen o número de prazas limitado.
Quen precise máis información deberá contactar coa Concellería de Cultura a través do teléfono 981 76 77 58.
Están programadas escolas de Piano, Linguaxe Musical e Coro (a cargo de Leticia Recamán, lrcmusicpiano@gmail.com), de Música Tradicional e Folclórica (gaita, percusión e frauta de pico), de Danza, de Pandeireta e Canto Folclórico e Tradicional, de Guitarra (Malé, 654 567 232), de Baile (Francisco Muñiz, 698 150 432), de Teatro & Teatro Musical (Tania Fuegho, 672 661 789) e de Baile Tradicional para Foliadas (Asociación Sonora, asociacionsonora@gmail.com).
