Este xoves 12 de outubro temos unha cita coa maxia creativa (a maxia que está ao alcance da nosa man para converternos, co tempo, en expertos na materia) en Porto do Son, a través dos programas Ler Conta Moito (Xunta) e Outono na Biblio (Porto do Son). Estamos a falar do Obradoiro Creativo de Maxia que vai ofrecer na Axencia de Lectura Municipal de Portosín o mago Charly Braun, ás 12 horas. Será un espectáculo participativo e creativo de maxia e humor para todos os públicos. A rapazada participante poderá iniciarse no mundo do ilusionismo botando man de todo tipo de obxectos cotiáns susceptíbeis de converterse en obxectos máxicos.
