Este luns o xornalista Carlos Herrera embarcouse no Camiño A Orixe desde o faro de Corrubedo. O seu obxectivo é completar o percorrido ata Padrón e desde alí seguir polo Camiño Portugués ata alcanzar a catedral compostelá.
O líder da radio española iniciou fai catro días o seu periplo por Galicia, realizando un tramo do Camiño Francés pola provincia luguesa. Desde alí, deu o salto á nosa comarca para percorrer o roteiro xacobeo que discorre por Muros-Noia. Desde Instagram cualificou o trazado de extraordinario referindose a Esteiro, Noia e Outes
O presentador da cadea COPE anunciara xa o ano pasado a súa intención de percorrer o Camiño A Orixe. Fíxoo durante unha entrevista que lle realizou ao alcalde de Ribeira, Manuel Ruiz. Naquel programa, o rexedor non só convidou o xornalista a embarcarse no roteiro xacobeo, senón que tamén lle propuxo visitar a illa de Sálvora e degustar manxares da zona como os percebes de Aguiño.
Instagram : (@carlosherrera2017)
