Un total de 40.726 aspirantes están chamados a participar o vindeiro 1, 2, 8 e 9 de xullo nas probas para 625 prazas de emprego público da Xunta de Galicia que se realizarán no Recinto da Feira Internacional
Abanca Semana Verde de Galicia.
En concreto, o sábado 1 de xullo examinaranse 1.604 persoas para 75 prazas no Corpo superior A1; e 8.756 aspirantes para 120 prazas no Corpo auxiliar C2. A continuación, o domingo, 2 de xullo realizarase o proceso selectivo para o Corpo de Xestión A2 no que están chamadas a participar 2.435 persoas para 90 prazas; e o exame para o Corpo administrativo C1 con 8.917 aspirantes admitidos e 102 prazas.
En canto ao 8 de xullo, será a quenda da escala de auxiliar de clínica no que participarán 2.011 aspirantes para 54 prazas; e a de auxiliar coidador con 3.398 aspirantes e 65 prazas de emprego público. Finalmente, o 9 de xullo, examinaranse 13.605 aspirantes no proceso de persoal subalterno (AP) para o que se convocaron 119 prazas.
