O vindeiro sábado 23 de setembro, ás 20.30 horas, representarase na sala Arcos Moldes do Auditorio de Rianxo a nova produción de Ainé, Códice K, que recrea a desaparición do Código Calixtino e os acontecementos que se produiciron até o remate da investigación para atopalo. Todo baixo unha óptica feminina. Trátase dunha obra con formato de comedia destinada a público adulto, cun texto de Manuel Cortés e baixo a dirección de dirección de Tito Asorey co asesoramento artístico Noemi Rodríguez. Segundo informou o Concello de Rianxo, xa se poden marcar as estradas para a función a través da web de Ainé (cun custe de 8 euros).
O elenco está formado por as seguintes actrices: Lucía Veiga, Marita Martínez, Graciela Carlos, Patricia Castrillón e Russ.
Argumento
En xullo de 2011 desaparece o Códice Calixtino. En xullo de 2012, xusto un ano despois, a policía recupera o libro, agochado nun garaxe. Que pasou en todo ese tempo? Investigacións, sospeitas, seguimentos, interrogatorios… Iso é Códice K: o que non se sabe por que nunca se contou. Códice K, o máis grande true crime da historia de Galicia.
Unha historia de mulleres
Por que contar a historia só con mulleres? Porque nela non hai máis ca homes: o electricista, o deán,
o xuíz, o investigador principal e os policías, os curas e o arcebispo. Pois a historia de Códice K
cóntase a través das múltiples mulleres que a circunvalaron. Porque se a ninguén lle estrañou nunca
unha cousa, non ten por que estrañarlle a outra.
Catro actrices meteranse na pel de múltiples personaxes para permitirnos contar a historia desde
múltiples puntos de vista. A maiores disto, en escena contarase cunha DJ que dará cobertura sonora
e dramática á obra.
