A música galega está en un gran momento e cada vez son máis os artistas que se animan a publicar música en galego. Este é o caso do compostelán Kike Varela, que tras ver como a súa música é apoiada por grandes DJs como Nicky Romero ou KSHMR, chegando incluso a sonar na radio de Tomorrowland, agora decide dar un novo paso na súa carreira e levar a ‘Muiñeira de Chantada’ a música electrónica.
Para este proxecto, o productor galego contou coa axuda de Gloria Cespón de Rianxo e Puga de Porto do Son. No caso de Gloria, está é a encargada de dar voz ao tema. A cantante de Rianxo, é coñecida pola súa participación nos Recanteiros do Luar, o concurso do programa estrela da TVG.
En canto a Puga, o xoven sonense é membro da Banda de Música Tradiccional “Suevia” é encárgase de tocar a Gaita nesta versión ao clásico galego.
A xuntanza destes tres artistas galegos da lugar a un tema que mantén o toque folclórico da tradicional ‘Muiñeira de Chantada’ e a súa vez é capaz de convertila nun tema de música electrónica idóneo para pinchar en grandes festivais. Kike confesa que “levaba tempo vendo como a música en galego gaña protagonismo, así que tiña ganas de aportar o meu grano de area e facer algo en galego orientado á música electrónica”.
Para o productor galego “o obxetivo deste tema é levar a música galega aos festivais. A idea xurdiu porque botei todo o verán de 2022 pinchando diversos remixes a ‘Terra’ de Tanxugueiras, así que quería probar a levar eu outro tema galego que me gustase á música electrónica”. Ao falar das inspiracións, Kike ten claro os seus referentes: “Levaba un par de anos seguindo a Baiuca. E tras ver o fénómeno eurovisión con Tanxugueiras, decidín investigar máis grupos galegos para buscar inspiración. A raíz de ahí, encontreime con Verto. O seu tema ‘Muiñeira de Chantada’ foi a base para facer a miña propia versión do tema”.
Finalmente, o tema de Kike Varela, ‘Muiñeira de Chantada’ está dispoñible en todas as plataformas dende o pasado 17 de maio. Podedes escoitala neste ligazón.
