O xurado da segunda edición do concurso de microrrelatos Igualdade, conta comigo! decidiu deixar sen adxudicar os premios tanto da categoría adolescente coma da adulta. Integrado por técnicas municipais da Igualdade e profesoras da Secundaria, o tribunal ditamina que ningún do total de 7 textos presentados (6 na modalidade adulta e 1 na adolescente) axustábase aos parámetros establecidos.
A segunda convocatoria deste certame enmárcase na programación deseñada pola Concellaría da Igualdade da Pobra do Caramiñal para conmemorar o 8 de marzo, Día Internacional da Muller, co obxectivo de “fomentar uns valores baseados na igualdade de oportunidades entre mulleres e homes e eliminar comportamentos e actitudes que manteñen os estereotipos de xénero”.
