A Garda Civil detivo a un veciño de Rianxo como presunto autor dun delito de tráfico de drogas. Os axentes iniciaron a investigación o pasado mes de abril, cando constataron que consumidores habituais e menores achegábanse ata o parque do Auditorio da localidade para comprar substancias estupefacientes.
Durante o transcurso da investigación os axentes puideron aprehender 42 dose de pole de haxix ao investigado, tras o que procederon á súa detención. No rexistro da casa a Garda Civil atopou amais 238 doses de pole de haxix preparadas para a venda, así como 790 euros.
As substancias estaban destinadas ao consumo entre os mozos de Rianxo. Ademais da droga, os efectivos interviñeron varios útiles para o peso, corte e manipulación desta droga.
O detido foi posto ao dispor xudicial no xulgado de garda de Padrón (A Coruña), que decretou medidas cautelares.
Garda Civil
