Os tres mariñeiros do pesqueiro Fuentes refuxiáronse nunha balsa ata que foron recollidos por outro pesqueiro, que trasladounos ata unha embarcación mobilizada por Salvamento Marítimo, sans e salvos. Posteriormente, a tripulación foi levada ao peirao de Porto do Son.
O 112 Galicia tivo coñecemento da situación do pesqueiro a través do persoal do Servizo de Gardacostas de Galicia, uns minutos despois das 8:00 horas desta mañá. Segundo indicaban, mobilizaran o helicóptero Pesca I.
Acto seguido, o persoal do 112 Galicia informou a Salvamento Marítimo, á Garda Civil, ao GES de Muros, á Policía Local e á Agrupación de Voluntarios de Protección Civil de Muros.
Os mariñeiros faenaban a bordo do pesqueiro Fuentes, a 4 millas ao Suroeste de Monte Louro, cando ás 7.40 horas sufriron unha vía de auga e alertaron por VHF Canle 16 ao CCS #Finisterre. De inmediato, os nosos controladores marítimos mobilizaron a pesqueiros que se achaban na zona, ao helicóptero Pesca I da Xunta de Galicia e á nosa embarcación Salvamar Régulus.
O pesqueiro REISINO informou do avistamento de bengalas; o PUNTA CALDEBARCOS avistou a balsa e o pesqueiro ATALIEIRA informou ás 8.09 horas do rescate dos 3 náufragos que se achaban na balsa do pesqueiro. Estaban en bo estado. O pesqueiro ATALIEIRA tamén comunicou que o pesqueiro Fuentes afundiuse e quedaba algún resto flotando. O helicóptero PESCA I recolleu a RADIOBALIZA/EPIRB e desactivouna.
O traslado a Porto do Son dos 3 tripulantes rescatados realizouno a Salvamar Régulus. Agradecemos a colaboración dos pesqueiros e Gardacostas de Galicia na resolución da emerxencia. Desde terra, por mar e aire traballamos co mesmo fin: a túa seguridade, o teu regreso.
