O Concello de Porto do Son vai celebrar este 8 de marzo (8-M), Dia Internacional da Muller, cun completo programa de actividades que terán repercusión a nivel presencial (con teatro, proxeccións audiovisuais e accións formativas) e tamén nas redes. A axenda témola dispoñíbel no Facebook do Concello.
-5 de marzo. A pasada finde representouse na Casa da Cultura de Porto do son a comedia negra (moi violeta) Feminíssimas da compañía De Ste Xeito.
-8 de marzo. Este mércores 8 de marzo publicarase nas redes sociais o manifesto polo 8-M elaborado polo Concello. Ademais, a Casa da Cultura de Porto do Son acollerá a proxección (ás 11.45 horas) de Mulleres e Igualdade. Participará alumnado de primeiro e segundo da ESO do IES de Porto do Son. Tamén estará presente Pilar Porral, directora e guionista da obra, dando a coñecer os detalles deste documental interxeracional sobre seis mulleres lucenses e as contas pendentes en igualdade
-Mes de marzo. No mes de marzo desenvólvese no concello un curso de operadora de carretilla elevadora dirixido a mulleres do concello de Porto do Son. Ten unha duración de 16 horas e ofrece 15 horas de formación. Este curso convocouse para seguir impulsando a igualdade en sectores e en postos de traballo onde segue a haber sobrepresenza masculina.
Este mes de marzo tamén se celebra un curso de manipuladora de alimentos, dirixido mulleres do concello de Porto do Son. Ten unha duración de 4 horas e inclúe 15 prazas dispoñíbeis.
