No día de hoxe, os alumnos do Obradoiro Tahume VIII tiveron a ocasión de realizar unha visita a Lonxa de Ribeira. En dita visita, os alumnos tiveron a oportunidade de ver as instalacións da Lonxa de mans de persoal da Lonxa, de poder ver as instalacións da empresa ribeirense Pescados Paco e de asistir en directo a subasta da ameixa, afondando así no funcionamento dunha das principais rulas da xeografía galega.
A visita abrangou tanto á especialidade de cociña como a de confección de redes dun obradoiro compartido polos concellos de Porto do Son e Ribeira. Hai que recordar que Tahume VIII principiou
no pasado outubro e que a especialidade ‘Operacións básicas de cociña e pastelería’ está sendo cursada por 12 alumnos e a de ‘Confección e montaxe de artes e aparellos’, por oito. Ambos cursos constan dunha fase inicial que se imparte no edificio do Mercado Municipal de Ribeira e dunha segunda fase na que os alumnos de artes e aparellos trasladáronse ó Viveiro de Empresas de Porto do Son.
A duración deste obradoiro dual é de un ano.
