Esta tempada imos ter unha boa oportunidade para perfeccionar as nosas habilidades en diferentes modalidades de baile. Poderemos facelo a través de Bailas?, da Asociación Alecrín, programa de obradoiros gratuítos para “a difusión e a promoción do baile como actividade que fomente os hábitos saudábeis tanto a nivel individual como de parella”.
En Rianxo
O programa Bailas? chega a Rianxo da man do Taller Alecrín en colaboración co Concello de Rianxo, onde se traballarán dúas modalidades de baile: linedance e baile social.
Os obradoiros desenvolveranse os domingos pola tarde-noite unha vez ao mes dende novembro de 2022 a febreiro de 2023, e terán un custo por persoa de 15,00 €.
Máis información e inscricións no teléfono 698 150 432.
O Obradoiro de Linedance preséntase con inscrición individual e vai orientado a persoas que desexen una toma de contacto co baile a través de diferentes ritmos como o swing, a polka, ou o funky, ata ritmos tropicais como a bachata ou a kizomba; pola súa banda o de Baile Social ofrece unha escolma de bailes estándar, latinos e tropicais que van dende o vals ou o tango ata a o merengue e a bachata pasando pola rumba ou o cha-cha-chá, obradoiro orientado ao traballo en parella.
