O Concello de Ribeira informou do inicio dos traballos para renovar de xeito integral a pasarela de Coroso. A intención é mellorar a infraestrutura no seu treito comprendido entre o remate do paseo e o estacionamento do cámping (un tramo de 450 metros de lonxitude), xa que “ao estar no final da súa vida útil atópase bastante deteriorada”, explicou o Concello, engadindo que tamén se vai poñer o foco na accesibilidade e en facilitar a circulación dos peóns, polo que se incrementará o ancho ata os 2,5 metros.
Esta actuación ía ser realizada nun principio polo alumnado da especialidade de carpintería do Obradoiro de Emprego Tahume VI, pero non foi posíbel efectuala durante o período en que funcionou a escola taller compartido entre Ribeira e Porto do Son.
Agora, o Concello vén de contratar a montaxe desta infraestrutura, que será realizada pola empresa Zona de Obras O Rosal, S.L..
