A Anpa Ceipp Palmeira sigue co compromiso coa Igualdade e vai completar o Programa que escomezaron no mes de maio, composto por 15 actividades de promoción da igualdade entre mulleres e homes e de prevención e rexeitamento da violencia contra as mulleres, dirixidas ao alumnado, ás familias, docentes e á comunidade educativa en xeral, dentro das especificacións que indica o procedemento SI449B da Secretaría Xeral de Igualdade da Consellería de Emprego e Igualdade da Xunta de Galicia.
- O vindeiro 30 de setembro do 2022, ás 18:30h, no Auditorio Municipal de Ribeira, desfrutaremos do espectáculo “Asdomare”, interpretado por Rilo&Penadique.
Vero Rilo & Sonsoles Penadique interpretan, narran, cantan e musican historias, contos escoitados nalgún lugar ou escritos nalgún libro, nacidos dende algún lugar de ser. Fusionan o mundo da infancia coa palabra e a música dando lugar a un espectáculo de narración oral para crianzas e familias.
Neste espectáculo de 50 minutos de duración, usan a interpretación, a música do acordeón, a voz e o canto para falárennos de historias sorprendentes protagonizadas por mulleres, contadas coa incrible capacidade de narrar de Vero Rilo e a sutileza musical de Sonsoles.
- O luns 24 de outubro, ás 16:00h, na Sala de Usos Múltiples do CEIPP de Palmeira, cunha duración de 2h, as familias e docentes teremos un obradoiro de formación pola Igualdade, impartido por Mercedes Urbiola (Pedagoga, especializada no desenrolo humano familiar e Guía Montessori).
“Familias coeducadoras. Educar e crecer en igualdade”: un acercamento á coeducación, educación en igualdade dende o nacemento e durante o noso proceso de desenvolvemento. Falaremos de estereotipos, roles de xénero, socialización diferenciada e desigualdades de xénero e aprenderemos a educar en igualdade a través dos xogos, xoguetes, contos e a través do uso da linguaxe inclusiva.
