Unha saída de vía deixou un motorista ferido na tarde de onte. O accidente tivo lugar na parroquia de Tállara, en Lousame, arredor das 19:30 horas. O implicado tivo que ser trasladado ao centro sanitario de referencia.
Un particular comunicou ao 112 que unha moto se saíra da vía e fora bater contra unha árbore situada na marxe. Deuse aviso aos servizos sanitarios, que atenderon ao accidentado na ambulancia e trasladárono ao centro hospitalario. Colaboraron os Bombeiros de Boiro e o GES de Noia.
Tamén participaron efectivos da Garda Civil de Tráfico. Non foi necesaria a intervención dos servizos de mantemento da estrada.
