O Festival Entrebateas regresará a comezos do mes de setembro á Pobra do Caramiñal cun cartel repleto de metal e rock. Como antesala, no 7 de agosto celebrarase unha festa pola ría da Arousa amenizada por Fran Velo como DJ. O embarque no catamarán iniciarase ás 17.00 horas no peirao vello para, deseguido, navega-la costa da Pobra do Caramiñal durante tres horas.
As entradas xa se poden adquirir en www.entrebateas.com, no apartado Summer Party, cun prezo de 10’18 euros.
Organizan conxuntamente a Concellaría da Cultura, da cal é titular a edil Patricia Lojo (PSdeG-PSOE), e a asociación cultural Xente ás Leiras.
