O paseo das Carolinas conta xa con novo mobiliario urbano. Segundo informou o Concello, os operarios municipais estiveron a instalar entre este 27 e o 28 de xullo novos equipamentos na dita contorna recentemente remodelada: concretamente, foron colocados un total de 16 bancos elaborados en formigón e madeira coa fin de facilitar o descanso dos viandantes.
Ao fío disto, o Concello salientou que “aínda que remataron as obras de remodelación está pendente que a empresa adxudicataria leve a cabo diversas correccións en certas zonas do formigón impreso do pavimento”.
