Con motivo da celebración do Día do Libro Infantil e Xuvenil, que se festexa este 2 de abril, o departamento de Cultura de Noia organizou unha actividade creativa de moito interese para as novas xeracións: un Obradoiro de Cómic impartido polo debuxante noiés Fon Barreiro.
A actividade celebrarase este sábado 2 de abril na Biblioteca Municipal. Desenvolverase en dúas sesións dividindo á rapazada por idades: na primeira sesión participarán as crianzas de 8 a 10 anos (de 10.30 a 12.00 horas) e na segunda, de 11 a 13 anos (de 12.30 a 14.00 horas). Amais, entre as 12.00 e as 12.30 horas Fon Barreiro está filmando libros na biblioteca. As inscricións poden facerse no correo programacionconcellodenoia@gmail.com e no teléfono 981-82-41-69 (en horario de 08:30 a 14:30 de luns a venres).
