O Concello de Ribeira licitou os traballos de saneamento, pavimentado e abastecemento no lugar de Frións, en Carreira. Segundo fontes do Consistorio, na actualidade a zona en cuestión non dispón de redes de abastecemento nin saneamento. Así, o proxecto elaborado prevé a instalación dunha tubaxe SN4 de 723 metros de longo e 315 milímetros e 25 pozos de rexistro para as augas residuais; e unha tubaxe de 556 metros para auga potábel.
En canto aos pavimentos, nos ramais afectados por obras que actualmente están aglomerados se reporá toda a superficie cunha capa de aglomerado asfáltico; mentres que nun camiño sen pavimentar man terase o firme actual de saburra.
O orzamento de licitación ascende a 154.081,94€, IVE incluído, e o prazo de execución son tres meses.
A actuación está enmarcada no POS+2021 e o prazo de presentación de ofertas conclúe o 6 de abril á medianoite a través do Sistema de Licitación Electrónica da Xunta de Galicia.
