O Concello de Noia tamén decidiu adiar este Mércores de Cinza os actos do seu tradicional Enterro da Sardiña, unha das actividades estrela do Entroido local, e fíxoo “debido ás condicións meteorolóxicas adversas”. Mantívose, iso si, a actuación da charanga Likor-K polas rúas da vila a partir das 19:00h.O último adeus á sardiña quedou finalmente aprazado para este venres, 4 de marzo. Ás 20:30h a comitiva ten previsto saír do Curro e a cidadanía terá a posibilidade de acompañar á defunta ata o paseo marítimo, onde, como é tradición, será pasto do lume. Ademais, tamén haberá unha Discoteca Móbil ata as 23:00h.
