O CEIP de Campanario (Baroña, Porto do Son) está a acoller esta semana (dende o luns ao venres) unhas xornadas de portas abertas para mostrar os detalles do seu proxecto educativo entre as familias.
O obxectivo é poñer o foco nas liñas de traballo do colexio (moi envorcadas na innovación educativa e nas vertentes da docencia máis centradas na investigación e a creatividade), ampliar radio de acción e deste xeito incrementar a taxa de escolares. Esta actividade coincide coa celebración dos 70 anos de historia do centro, que se están conmemorar co seguinte lema: 70 anos medrando e aprendendo xuntos nun ambiente familiar e próximo.
Nas xornadas de portas abertas as nais e os pais poderán visitar as dependencias do colexio e coñecer o profesorado e o seu traballo didáctico. Para participar nestas actividades no CEIP de Baroña é necesario reservar cita chamando previamente ao teléfono 639 585 808.
