O alcalde Manuel Ruiz desprazouse este 23 de decembro ata as dependencias da Unidade de Asistencial de Drogodependencias (UAD) para felicitar as festas aos seus usuarios e traballadores deste centro dirixido por Jesús Cartelle.
Tanto o alcalde como a concelleira de Servizos Sociais, Ana Barreiro, amosaron o seu agradecemento aos participantes no taller de carpintería que, guiados polo profesor Manuel Casais, desenvolveron traballos ao longo do ano en beneficio da sociedade, como a súa participación na marcaxe do Camiño de Santiago A Orixe, a montaxe dos beléns municipais de Ribeira e Aguiño, os bancos LGTBIou a restauración da porta da capela de Sálvora, entre outras moitas accións.
