Con motivo do Día mundial das Montañas, este sábado 11 de decembro a Coordinadora Eólica, Así Non, apoiada por máis de 170 colectivos da xeografía galega, convoca á cidadanía a unha nova grande mobilización “fronte a invasión eólica” baixo o lema Na defensa das montañas. Eólica Así Non.
A cita da contorna de Muros-Carnota será ás 10:00 horas no lugar do Fieiro (Mazaricos), desde onde está previsto emprender unha marcha reivindicativa ata a Moa, cume do Olimpo Celta, onde se vai desenvolver unha acción simbólica de denuncia do espolio eólico.
A mobilización está convocada por ADECOM, exercerá coma anfitrioa coa Asociación Monte Pindo Parque Natural (cuxo presidente Xilberto Caamaño nos guiará na subida) e conta co apoio de ADEGA, Plataforma en Defensa do Monte das Salgueiras e Ecoloxistas en Acción.
