20190923. A Biblioteca municipal de Ribeira acollerá mañá, martes 24, ás 18.00 horas, unha nova función de contacontos. Baixo o título Bolboretas, a contadora e activista cultural, Soledad Felloza, ofrecerá un espectáculo aos cativos con idades comprendidas entre os 3 e os 12 anos e ás súas familias.
Esta cita enmárcase nas accións promovidas desde o Pacto de Estado contra a Violencia de Xénero, para fomentar a formación en igualdade das crianzas que visitan as bibliotecas da Rede de Bibliotecas de Galicia co seu programa Ler Conta Moito. Igualdade.
A actuación desenvolverase no salón de actos do Centro Cultural Lustres Rivas, espazo anexo á biblioteca.
Esta actividade dálle continuidade á que tivo como protagonistas a Os Quinquilláns Teatro coa proposta A fábula do espantallo, o pasado sábado.
