O vindeiro venres 1 de outubro, ás 21.00 horas, vaise celebrar na Sala Arcos Moldes do Auditorio de Rianxo a representación do tríptico teatral Soga e Cinsa a cargo da compañía Aporía Escénica. O espectáculo, recomendado para público maior de 13 anos, será de balde e terá unha duración de 101 minutos. Cómpre reservar localidades na sección de reservas da web municipal (antes das 14.00 horas do 29 de setembro).
Soga e Cinsa, tríptico renacentista para 11 bruxas, aborda un dos feitos máis dramáticos da historia de Europa nos séculos XV, XVI e XVII: a caza de bruxas. O obxectivo, en palabras da compañía, “é visualizar o xenocidio que supuxo e a súa perversa conexión co desenvolvemento do sistema capitalista”. Deste xeito, mostrarásenos “unha peregrinaxe de sombras que procuran as luces da xustiza e do recoñecemento de máis de 60.000 vítimas condenadas á fogueira e a forca por crimes que non cometeron, o 85% delas mulleres”.
Autora: Diana Mera
Dirección: Diana Mera
Escenografía Montse Piñeiro
Deseño son: Francisco Gallardo
Deseño iluminación: Montse Piñeiro e Del Ruíz
Vestiario: Montse Piñeiro
Música: Francisco Gallardo
Coreografía: Aporía Escénica
Elenco artístico: Nerea Brey, Sonsoles Cordón, Diana Mera, Raquel Oitavén, Marta Pérez, Merche Pérez, Rosa Puga Davila, María Roja, María Ángeles Iglesias, Nuria Sotelo, María Tasende.
