O Concello de Rianxo organiza un novo roteiro guiado por diversos lugares de interese da vila. A iniciativa vén da man da Área de Turismo municipal, e diríxese a mostrar in situ os importantes tesouros cos que conta o termo municipal, no caso concreto deste percorrido poñendo o foco nos tesouros urbanos do centro histórico rianxeiro e a súa contorna.
Haberá, por mor da COVID, prazas limitadas. A ruta realizarase o sábado 9 de outubro ás 11.00 horas, con saída dende a praza de Rafael Dieste. A inscrición é obrigatoria e deberá facerse nos puntos de información turística de Rianxo ou no teléfono 604 023 753. O prazo límite para as inscricións será de dous días antes da ruta. O número máximo de participantes será de 20. A ruta durará aproximadamente unha e hora media.
