O Concello de Porto do Son quere mostrar á cidadanía diferentes alternativas de futuro para xerar riqueza e emprego a nivel local. Deste interese xorde o obradoiro Emprendendo en cooperativa, unha actividade de formación presencial de 20 horas de duración que se celebra na recta final do verán, entre o 6 e o 10 de setembro. As inscricións poden facerse a través da conta jose.pazo@portodoson.
O obradoiro vai destinado a persoas en risco de exclusión social e/ou interesadas no emprendemento en colectivo. Terán oportunidade de coñecer o modelo cooperativo e as condicións e pasos precisos para emprender seguindo este modelo, informarse as axudas dispoñíbeis e inspirarse en experiencias reais de éxito.
