Laura Salgado, concelleira de Economía, Facenda e Deportes de Noia, e máis Olga Rodríguez, da Asociación Besbello, presentaron esta semana unha iniciativa para achegar lecer e creatividade á veciñanza durante estes meses de verán.
Trátase da iniciativa Obradoiros do Mar, que, como o seu propio nome indica, porán o foco nun vencello que vén de longo: o da vila de Noia coa tradición marítima, mariñeira e marisqueira.
As actividades comezan este mes de xullo e desenvolveranse ao longo do verán até o remate de agosto. O centro de operacións será o Museo do Mar de Noia. O horario será de 10.00 a 14.00 horas, os xoves, os venres, os sábados e os domingos.
