O Concello de Ribeira vén de anunciar que o obradoiro de emprego O Pote 2, amplía o seu programa formativo cunha nova especialidade: a de operacións básicas de pastelería. Así, esta nova formación súmase ás operacións básicas de cociña nas que se centra o obradoiro.
Deste xeito, os quince participantes deste curso verán ampliados seus coñecementos durante a asistencia a esta escola taller que está tendo lugar no segundo andar da Escola Municipal de Hostalería e se prolongará ata o vindeiro 14 de setembro. O programa mixto de emprego e formación, que está promovido polo Concello de Ribeira e subvencionado pola Consellería de Economía, Emprego e Industria, ten un total de 1.920 horas formativas.
