20190814 Hoxe, 14 de agosto, temos en Rianxo unha cita coa música e o baile tradicional galego. Trátase do xa histórico festival (de feito, vai pola súa dezasete edición) da agrupación Aleivosía, pertencente á asociación sociocultural rianxeira Fogo Fatuo. A cita, que está prevista para as 21.30 horas na céntrica praza de Rafael Dieste, contará tamén coa presenza da asociación Ancoradoira, de Culleredo (A Coruña). A nova edición do senlleiro festival está organizada por Fogo Fatuo coa colaboración do Concello de Rianxo e a Deputación da Coruña.
Aleivosía é unha asociación-agrupación de música e baile tradicional impulsada por xente nova do concello de Rianxo. Conta con grupos propios de baile e música e organiza regularmente actividades culturais para reivindicar e pór en valor o legado artístico popular da nosa terra, por exemplo os seráns de baile e música galega.
