O pasado 29 de decembro celebrouse a entrega de galardóns da VIII edición dos Premios Solidarios do Grupo Cenor. Sen embargo, por mor da COVID-19, as entidades distinguidas e mailo o público non puideron asistir de forma presencial (as e os participantes tiveron que acceder a gala virtualmente, a través dunha vídeo-conferencia, e, do mesmo xeito, os recoñecementos tivéronse que comunicar online). O segundo premio recibiuno a Asociación Misela, con sede en Noia e influencia en toda a súa comarca, que quixo promover o desenvolvemento persoal e social das persoas con diversidades funcionais, ademais de fomentar a participación e o benestar das familias, ofrecendo atención individualizada e interdisciplinaria dende a infancia. A iniciativa que elaborou a Asociación foi chamada Voga – Voga e consistiu en incentivar a participación das devanditas persoas na limpeza da ría de Muros e Noia.
Asemade, premiouse a outras empresas. A organización APTACAN, con sede en Cantabria, gañou o terceiro premio, dotado con 1.500 euros. Esta entidade loitou por favorecer o benestar das persoas afectadas polo Trastorno do Espectro do Autismo (TEA). O seu proxecto consistiu na creación dun centro de reprografía para a inserción laboral das persoas afectadas con TEA. Mentres, o primeiro premio entregóuselle á Asociación ALENTO, que colaborou no ámbito da mellora da calidade de vida, da inclusión social e dos dereitos das persoas de dano cerebral na provincia de Pontevedra. O premio, de 6.000 euros, foi concedido polo esforzo que proporcionou a entidade por adquirir máquinas de rehabilitación, en concreto, un bipedestador (un dispositivo que permite mellorar aspectos físicos da persoa a nivel de ton muscular, dor, nivel basal, equilibrio, control motor e factores ocupacionais).
Os encargados de abrir a gala dos VIII Premios Solidarios foron Leticia Fernández e Javier González, directores de Marketing do Grupo Cenor. Ademais, a celebración contou coa presenza de María Castro, presidenta do xurado. A representante pronunciou un discurso e transmitiu o seu apoio as asociacións.
