Noia Histórica presentou este venres a campaña de Nadal Noia Preto de ti, que pretende animar as rúas da vila. A concelleira de Comercio, Laura Salgado, explicou as actividades que se van a realizar a partir do día de xa, todas elas programadas para garantir a máxima seguridade sanitaria. Haberá un concurso de escaparates no que participarán 38 tendas, un belén en Santa María, panxoliñas no centro histórico e rascas con premios. Amais Papá Noel virá no seu trineo o día 23 e 24 de decembro para devolver a maxia aos máis pequenos.
Doutra banda, terá lugar unha campaña de apoio á hostalería, na que se regalarán tíckets de consumición por compras. Aqueles que realicen compras superiores a 30 euros, terán 1 café de balde, mentres que os veciños que gasten máis de 50 euros, poderanse levar un refresco ou unha caña. Amais, a quen faga compras superiores a 130 euros, regalaráselle un menú ou un desconto para algún establecemento. Isto será posíbel ata o 6 de xaneiro.
