O alcalde de de Noia, Santiago Freire Abeijón, e a concelleira da área económica e comercio, Laura Salgado, estiveron onte pola tarde no Coliseo Noela, onde tivo lugar unha reunión informativa para autónomos e microempresas acerca das axudas PEL da Deputación para reactivar o sector comercial no contexto de COVID. Ambos membros do Concello tiveron que contestar ás preguntas e resolver as dúbidas correspondentes. En concreto, o obxectivo da reunión era solucionar as cuestións relacionadas coas axudas para a reactivación económica a través do PEL – Reactiva provincial.
As axudas poderán solicitarse a partir do día seguinte a data de publicación da resolución no BOP e ata o 25 de novembro ás 14:00 horas. As persoas que queiran conseguilas, deberán inscribirse por vía telemática, a través da sede electrónica do Concello de Noia. Ademais, poderán resolver as dúbidas a través do seguinte correo electrónico: pel.reactiva.noia.consultas@gmail.com.
