O alcalde do Concello de Noia, Santiago Freire Abeijón, acudiu este mércores pola tarde á visita da base de Protección Civil da localidade, acompañado da concelleira de protección civil, Ana García e dous deputados provinciais Blas García e Sandra González. O obxectivo da cita foi verificar o equipamento, as instalacións e os vehículos do servizo de Emerxencias do Concello.
Doutra banda, tratáronse cuestións como a da colaboración da Deputación no financiamento para o funcionamento do Grupo de Emerxencias Supramunicipal. Este equipo incorporouse hai pouco ao grupo de Emerxencias de Galicia, concretamente despois da visita de onte, realizada por Gonzalo Trenor, delegado territorial da Xunta de Galicia. O Grupo de Emerxencias Supramunicipal non só cubrirá as emerxencias do Concello de Noia, senón que tamén realizará os traballos correspondentes nos Concellos de Lousame e Porto do Son.
