Tal como adiantamos en O Barbanza os tripulantes de dous cerqueiros con base no porto de Ribeira están en corentena despois de dous casos positivos de covid-19 entre os mariñeiros de cada barco. Todos se someteron ás probas PCR e están á espera dos resultados.
Os cerqueiros en cuestión procedían de Ondarooa e faenaban no País Vasco desde onde regresaron á comarca hai uns días para descansar.
Ao detectarse algúns síntomas compatibles co coronavirus nalgún deles, decidiuse que se illasen todos e se sometesen á PCR. Os primeiros resultados deron varios positivos, aínda que é moi probable que haxa máis afectados. Son ao redor de 25 os mariñeiros que están confinados nos seus domicilios.
Tamén a aparición dun positivo nunha floristería no centro de Ribeira obrigou a facer probas a todolos traballadores que deron positivo.
