O goberno local de Lousame someteu á consideración do Pleno Municipal, na sesión celebrada o día 31 de xullo do presente ano, a aprobación inicial da modificación puntual número un do PXOM.
O obxectivo de dita modificación puntual non era outro, en palabras do
goberno local que, o de adecuar as determinacións do Plan Xeral, en vigor
desde o 29 de decembro de 2004, ás reformas lexislativas producidas nos
últimos anos: nomeadamente á Lei do Solo de Galiza e ao seu Regulamento
do ano 2016. Ao mesmo tempo que intentar pulir todos aqueles aspectos da
norma municipal que se manifestaron inconcretos ou innecesarios á realidade urbanística do termo municipal, ao longo de todos estes anos.
Baixo estas premisas o BNG votou afirmativamente a aprobación inicial, sen saber que o contido da modificación puntual, agochaba tamén, a pretensión de excluír dos “usos prohibidos” nos núcleos rurais non consolidados a posibilidade da instalación de crematorios. Dicimos que se agochou, porque tanto na comisión informativa correspondente, como na especial, mantida cos técnicos municipais, omitiuse tal pretensión.
Somos sabedores da existencia dunha chea de alegacións formuladas por
veciños opóndose a tal posibilidade, así como da posición da Dirección Xeral de Ordenación do Territorio e Urbanismo que manifesta que a instalación dun crematorio no tipo de solo onde se pretendía materializar, non é posible.
O PSOE de Lousame propón actuacións prioritarias para financiar co POS+ Adicional da Deputación da Coruña
O PSdeG-PSOE de Lousame vén de rexistrar no Concello unha proposta de "actuacións prioritarias" para financiar a través do próximo POS+ Adicional da Deputación da Coruña. Os socialistas reclaman ao Goberno municipal que "aproveite estes fondos provinciais para atender...
