Un ano máis, o salón de plenos da casa consistorial vén de acoller o tradicional acto institucional no que se distinguen os mellores xardíns das nove parroquias do municipio: un evento que estivo presidido polo alcalde
Manuel Ruiz coa asistencia da concelleira de Medio Ambiente, Elvira Pereira, e das súas compañeiras Ana Ruiz e María Sampedro, co propósito de galardoar e visualizar o labor que fan de maneira desinteresada moitos veciños e veciñas que se preocupan por embelecer as súas casas para beneficio da comunidade.
Nesta ocasión as persoas galardoadas foron: María Teresa González Pérez (Aguiño), Roberto Vázquez Chouza (Artes), Magdalena Pérez Rodríguez (Carreira), Valentina Vidal Argibay (Castiñeiras), Mercedes Carreño Lamas (Corrubedo), Juana Teresa Ageitos Rama (Oleiros), Carmen Orellán Sobrido (Olveira), Remi Fernández Santiago (Palmeira) e María Sampedro Vila (Santa Uxía).
Premios especiais
Ademais, tamén se concederon sendos galardóns especiais a Dolores Martínez Ageitos, veciña das Angustias-Bretal, en Olveira; e a Agustín Pego Lustres, da rúa do Mar en Castiñeiras.
