Salvamento marítimo informou esta mañá que abandona a busca directa dos mozos deparecidos entre Rio Sieira e Cabeiro no Porto do Son. A partir deste sábado seguiranse emitindo avisos ás embarcacións que transcorran pola zona para pedirl que extremen a vixilancia.
Pola sua banda as patrullas marítimas manterán a súa actividade normal pero con preferencia pola costa onde desapareceron os dous mozos.
Protección continuará a procura cunha lancha, pero tiveron que abandonar este dispositivo debido a que o vento do norte non lles permitía achegarse á costa.
Tal como vimos informando en O Barbanza o accidente tivo lugar na praia de Coira, na localidade de Portosín este luns pola tarde, cando tres amigos, dous mozos e unha moza, facían uso da embarcación.
Segundo se lle comunicou ao 112 Galicia, os rapaces trataban de chegar á Illa de Creba, perderon un remo da embarcación e un deles tirouse á auga para recupéralo pero xa non puido volver. A corrente arrastrounos e provocou que a piragua quedase totalmente envorcada. Dos tres mozos unha rapaza pudo ser rescatada con hipotermia e foi trasladada o hospital onde se recuperou.
