Este domingo 11 esperase un cambio progresivo de tempo debido á retirada do anticiclón cara ao sur, o que deixará paso a un réxime de ventos de compoñente oeste que achegará brétemas e anubrados, especialmente no litoral.
A xornada estará marcada por ceos máis cubertos na provincia da Coruña e na metade norte de Lugo. Pola contra, no resto da comunidade predominarán os ceos máis despexados ou con presenza de nubes altas.
No tocante ás temperaturas, as mínimas experimentarán un lixeiro ascenso, mentres que os valores máximos se manterán sen apenas cambios significativos respecto a días anteriores. O vento soprará de compoñente oeste con intensidade xeralmente frouxa.(máximas de 21 a 24 graos).
O noso mar: Vento do norte á mañá, do oeste á tarde e variable á noite, forza 1 a 3 á mañá e á tarde e 1 a 2 á noite. Mar ovellado á mañá e á tarde e mar rizado á noite. Visibilidade regular á mañá e boa á tarde e á noite. Mar de fondo do noroeste, con ondas de 1 a 1.5 metros á mañá e á tarde e 2 a 2.5 metros á noite.
