O 12 de setembro, ás 11:00 horas, celebrarase a derradeira visita para coñecer a fábrica de salga dos Ferrer, unha actividade impulsada polo Concello para poñer en valor o patrimonio do Porto do Son.
A actividade partirá do Museo Marea, punto de encontro establecido para a visita, que estará guiada por José Manuel Vázquez Lijó.
As persoas interesadas en participar poderán formalizar a súa inscrición no propio Museo Marea ou na Oficina de Turismo do Castro de Baroña.
Para máis información e reservas, están dispoñíbeis os teléfonos 981 853 431, 646 095 440 e 881 878 228.
As prazas son limitadas (20 persoas), polo que se recomenda realizar a inscrición con antelación.
Trátase dunha actividade organizada polo Concello, en colaboración co Museo de Memoria Mariñeira e Deputación da Coruña.
A antiga fábrica de salga dos Ferrer é un emblemático espazo que forma parte do destacado patrimonio histórico e da memoria mariñeira do municipio.
O Concello do Porto do Son, en colaboración co Museo da Memoria Mariñeira (Museo Marea), organiza de xeito periódico visitas guiadas para dar a coñecer a historia da dita factoría.
