A incorporación de Arosa Zona Cero y desarrollo eleva a ocupación do espazo municipal, que conta cunha capacidade total para nove iniciativas.
O Viveiro de Empresas de Ribeira conta desde mediados deste mes de agosto cunha nova iniciativa emprendedora tras a incorporación da firma Arosa Zona Cero y desarrollo. Con esta nova alta, o centro municipal acada as cinco actividades en funcionamento, ocupando máis da metade da súa capacidade máxima, fixada en nove prazas.
O novo proxecto súmase aos catro que xa operaban nas instalacións municipais:
- Deporvida Nutrición
- Fabricamos comunicación
- Celia Domínguez (dietista)
- Nancy Silva (terapeuta)
Dende a súa apertura en marzo de 2016, a infraestrutura serviu de lanzadeira para diversos profesionais autónomos e cooperativas de distintos sectores. Ademais do alugueiro de locais de uso rotativo temporal e do asesoramento inicial para facilitar o arraigo comercial no municipio, o edificio acolle o Programa Integrado de Emprego de Ribeira e o Servizo de Orientación Laboral.
A alcaldesa, María Sampedro, destacou o valor deste servizo como «un exemplo máis do Concello para alentar as iniciativas empresariais, intentando conseguir a creación e consolidación de empresas que contribúan ao crecemento económico e creación de emprego no noso municipio».
