Unha delegación alemá das coleccións e museos do Kunstsammlungen & Museen Ausgburg visitou este venres 17 de xullo o Museo do Gravado de Artes, onde estivo acompañada do primeiro tenente de alcalde de Ribeira, Vicente Mariño; da concelleira de Cultura, Ana Barreiro; e do vicepresidente da Fundación da institución museística, Francisco Javier Expósito.
O doutor Christof Trepesch, director das coleccións de Arte de Ausburgo; xunto a Sara Kein, curadora; e Marie Gaté-Stallforth, tradutora; tiveron un encontro de traballo coa representación ribeirense.
A Coleccións de Arte e Museos de Augsburgo (Kunstsammlungen und Museen Augsburg) son unha institución cultural e unha rede de museos públicos que agrupa os principais espazos de arte, historia e arqueoloxía. Están situadas na cidade histórica de Augsburgo, no estado federado de Baviera, Alemaña.
Trátase dun consorcio que xestiona e protexe o valioso patrimonio artístico e histórico de Augsburgo. A rede non é un único museo, senón que abrangue varias sedes históricas e modernas, con coleccións que van dende a época romana ata a arte contemporánea.
Tamén se presentou o resultado do obradoiro de gravado realizado por sete mulleres usuarias de Ambar entre os días 7 e 17 de xullo. Fixeron cadansúa peza individual seguindo técnica do linogravado e conformarán unha obra conxunto a exhibir no MUGART no vindeiro ano.
