Este martes 14 de xullo o Mago Teto estará na Cachada (avenida da Constitución) para achegar un espectáculo de maxia e música para todos os públicos, a partir das 21.00 horas nas escaleiras da Cachada. Trátase do espectáculo Rock ‘n’ magic, Trátase dunha cita organizada pola área de Cultura do Concello co apoio da Deputación da Coruña.
O espectáculo Rock ‘n’ magic, dirixido por Fran Rei, é algo máis ca unha función de maxia, é un concerto de rock and roll no que estará acompañado por Fer Risco, na batería, e Mon Orencio, na guitarra. Deste xeito, os veciños e veciñas de Boiro poderán desfrutar dunha actuación onde a maxia do Mago Teto convive con algúns dos clásicos do rock como Led Zeppelin, Bob Dylan ou Los Suaves.
